بٸلٸم جەنە عىلىمي ۆيتسە-مينيسترٸ ميراس دەۋلەنوۆ الماتىلىق ستۋدەنتتەردٸ جاتاقحانادان قۋىپ جاتقانى تۋرالى اقپاراتتى فەيك دەپ اتادى , دەپ حابارلايدى "ۇلت اقپارات".
ەپيدەميولوگييالىق جاعدايعا بايلانىستى الماتى قالاسىنداعى جوعارى وقۋ ورىندارىنىڭ ستۋدەنتتەرٸ قاشىقتان وقۋعا جٸبەرٸلگەنٸ بەلگٸلٸ. وسىعان بايلانىستى ەلەۋمەتتٸك جەلٸدە قالانىڭ باس سانيتارلىق دەرٸگەرٸنٸڭ قاۋلىسىنا سٷيەنٸپ, كەيبٸر ستۋدەنتتەردٸ جاتاقحانادان كٷشپەن شىعارىپ جاتقانى تۋرالى اقپارات تارادى.
بٸلٸم جەنە عىلىم ۆيتسە-مينيسترٸ ميراس دەۋلەنوۆ بۇل اقپاراتتى «فەيك» دەپ اتادى.
«الماتىدا ستۋدەنتتەردٸ جاتاقحانالاردان كٷشتەپ شىعارىپ جاتىر ەكەن دەگەن مەلٸمەت شىندىققا جاناسپايدى. بۇل – فەيك. الماتىدا 38 جوعارى وقۋ ورنى بار. بارلىق جوو باسشىلارىمەن سٶيلەستٸك. ستۋدەنتتەردٸ جاتاقحانادان قۋۋ تۋرالى مىسالدار جوق. بۇل دەرەكتەر راستالعان جوق. سوندىقتان, بٸرنەشە ساعاتتىڭ ٸشٸندە بۇل مەسەلە شەشٸلەدٸ دەپ ويلايمىن», - دەدٸ ۆەدومستۆو ٶكٸلٸ.
ميراس دەۋلەنوۆ ٷي جاعدايىندا قاشىقتان وقۋعا مٷمكٸندٸگٸ جوق ستۋدەنتتەرگە جاڭا ستاندارت بويىنشا جاتاقحانادا تۇرىپ وقۋ مٷمكٸندٸگٸ ۇسىنىلعانىن ەسكەرتتٸ.
«باس سانيتارلىق دەرٸگەردٸڭ قاۋلىسى تۋرالى ايتساق, بۇل دەنساۋلىق ساقتاۋ مينيسترلٸگٸنٸڭ قۇزىرىنداعى شارۋا. مەنٸڭ ايتقىم كەلەتٸنٸ, ٷي جاعدايىندا قاشىقتان وقۋعا مٷمكٸندٸگٸ جوق ستۋدەنتتەرگە ارناپ كٷزدە جاتاقحانالار اشقان بولاتىنبىز. ونىڭ جۇمىسى سانيتارلىق-ەپيدەميولوگييالىق رەجيم تالاپتارىنا سەيكەس كەلەدٸ. مىسالى بۇرىن جاتقانالاردا 3-4 ادام تۇرىپ كەلسە, قازٸر 2 اداممەن شەكتەپ وتىرمىز. دەنساۋلىق ساقتاۋ مينيسترلٸگٸنەن وسىنداي جاعدايدا وقىپ جاتقاندارعا رۇقسات بەرۋ بويىنشا جۇمىس جٷرگٸزدٸك. وقۋ جىلىنىڭ اياقتالۋىنا 1,5 ايداي عانا قالعاندىقتان, ستۋدەنتتەردٸڭ الماتىدان ۇزاپ كەتكەنٸ بٸزگە دە كەرەك ەمەس. جالپى الساق, نۇر-سۇلتان مەن الماتى قالالارىندا كوللەدج بەن ۋنريۆەرسيتەت ستۋدەنتتەرٸ قاشىقتان وقۋعا جٸبەرٸلگەن. بٸز سانيتارلىق قاۋلىنى ساقتاپ وتىرمىز», - دەدٸ ۆيتسە-مينيستر.
