Almaty soty "Almaty spetstehparking servis" JShS direktory Marat Pirinbekovti qamaýda ustaý merzimin uzartty, - dep habarlaidy Tengrinews.kz.
Qalalyq sottyń baspasóz qyzmeti Pirinbekov osy jyldyń shildesiniń ortasyna deiin qamaýda bolatynyn habarlady.
"Almaty tergeý sotynyń 14 maýsymdaǵy qaýlysymen kúdiktige qatysty kúzetpen ustaý merzimin 3 aiǵa deiin uzartýǵa sanktsiia berý týraly ótinish qanaǵattandyryldy", - delingen habarlamada.
Qaýly áli zańdy kúshine engen joq.
Marat Pirinbekov buǵan deiin "Almaty spetstehparking servis" kompaniiasynyń direktory laýazymyn atqaryp keldi. Ol 18 sáýirde qamaýǵa alyndy.
Oǵan deiin 14 sáýirde Almatyda A-parking aqyly avtoturaqtar operatory sanalatyn Alan Parking kompaniiasynyń direktory Muhtar Bazarbaev qamaýǵa alynǵany habarlanǵan bolatyn.
Keiin A-Parking jobasyna jaýapty tulǵalarǵa qatysty asa iri mólsherde biýdjet qarajatyn jymqyrdy degen kúdikpen sotaldy tergeý bastaldy.
Byltyr jeltoqsanda Qairat Boranbaev ielik etetin RR2 kompaniiasy Alan Parking firmasynan 30 paiyz úles satyp alǵan. Buǵan deiin aqyly avtoturaqtardyń operatory memleketke tiesili bolǵan.
