الماتى سوتى "الماتى سپەتستەحپاركينگ سەرۆيس" جشس ديرەكتورى مارات پٸرٸنبەكوۆتٸ قاماۋدا ۇستاۋ مەرزٸمٸن ۇزارتتى, - دەپ حابارلايدى Tengrinews.kz.
قالالىق سوتتىڭ باسپاسٶز قىزمەتٸ پٸرٸنبەكوۆ وسى جىلدىڭ شٸلدەسٸنٸڭ ورتاسىنا دەيٸن قاماۋدا بولاتىنىن حابارلادى.
"الماتى تەرگەۋ سوتىنىڭ 14 ماۋسىمداعى قاۋلىسىمەن كٷدٸكتٸگە قاتىستى كٷزەتپەن ۇستاۋ مەرزٸمٸن 3 ايعا دەيٸن ۇزارتۋعا سانكتسييا بەرۋ تۋرالى ٶتٸنٸش قاناعاتتاندىرىلدى", - دەلٸنگەن حابارلامادا.
قاۋلى ەلٸ زاڭدى كٷشٸنە ەنگەن جوق.
مارات پٸرٸنبەكوۆ بۇعان دەيٸن "الماتى سپەتستەحپاركينگ سەرۆيس" كومپانيياسىنىڭ ديرەكتورى لاۋازىمىن اتقارىپ كەلدٸ. ول 18 سەۋٸردە قاماۋعا الىندى.
وعان دەيٸن 14 سەۋٸردە الماتىدا A-parking اقىلى اۆتوتۇراقتار وپەراتورى سانالاتىن Alan Parking كومپانيياسىنىڭ ديرەكتورى مۇحتار بازارباەۆ قاماۋعا الىنعانى حابارلانعان بولاتىن.
كەيٸن A-Parking جوباسىنا جاۋاپتى تۇلعالارعا قاتىستى اسا ٸرٸ مٶلشەردە بيۋدجەت قاراجاتىن جىمقىردى دەگەن كٷدٸكپەن سوتالدى تەرگەۋ باستالدى.
بىلتىر جەلتوقساندا قايرات بورانباەۆ يەلٸك ەتەتٸن RR2 كومپانيياسى Alan Parking فيرماسىنان 30 پايىز ٷلەس ساتىپ العان. بۇعان دەيٸن اقىلى اۆتوتۇراقتاردىڭ وپەراتورى مەملەكەتكە تيەسٸلٸ بولعان.
