Almaty ákimniń birinshi orynbasary Erlan Qojaǵapanov Panfilovshylar saiabaǵynda kepterlerdiń qyrylýyna ne sebep bolǵanyn aitty, dep habarlaidy QazAqparat.
Onlain-brifing barysynda qala ákiminiń orynbasary 28 Panfilovshy saiabaǵynda ólgen kepterlerdiń máselesine toqtalyp ótti.
«Kepterlerdiń ólý sebebi týraly ártúrli boljamdar aitylýda. Máselen, kei mamandar olar ashtan ólýi múmkin degendi alǵa tartady. Sebebi buǵan deiin olardy adamdar tamaqtandyryp kelse, saiabaq jabylǵaly qaraýsyz qalǵan», – deidi Erlan Qojaǵapanov.
Onyń aitýynsha, kepterlerdiń dezinfektsiiadan zardap shegýi múmkin emes.
«Bul saiabaq 19 naýryzda zalalsyzdandyrylyp, 20 narýyzda jabyldy. Al qustardyń ólgeni týraly málimet 25 naýryz kúni tarady. Sondyqtan olardyń neden ólgeni túsiniksiz», – dedi ol.
Qojaǵapanov kepterlerdiń qyrylýynyń taǵy bir múmkin nusqasyn atady.
«Qysta ol jerde muz aidyny boldy. Sol kúnderi ol jerde demontaj jumystary jasaldy, sonyń qaldyqtaryn jegen kepterler ólgen bolýy da múmkin. Óitkeni Almatynyń ózge jerlerinde ólgen qustar tirkelmedi», - deidi ol.
Sondai-aq, ol kepterlerdiń zerthanalyq saraptamaǵa jiberilgenin aitty. Nátijesi búgin keshke daiyn bolyp qalýy kerek.
Buǵan deiin QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar álemi komitetiniń baspasóz hatshysy Sáken Dildahmet kepterlerdiń ýlanýy múmkin ekenin aitqan.
