الماتى ەكٸمنٸڭ بٸرٸنشٸ ورىنباسارى ەرلان قوجاعاپانوۆ پانفيلوۆشىلار ساياباعىندا كەپتەرلەردٸڭ قىرىلۋىنا نە سەبەپ بولعانىن ايتتى, دەپ حابارلايدى قازاقپارات.
ونلاين-بريفينگ بارىسىندا قالا ەكٸمٸنٸڭ ورىنباسارى 28 پانفيلوۆشى ساياباعىندا ٶلگەن كەپتەرلەردٸڭ مەسەلەسٸنە توقتالىپ ٶتتٸ.
«كەپتەرلەردٸڭ ٶلۋ سەبەبٸ تۋرالى ەرتٷرلٸ بولجامدار ايتىلۋدا. مەسەلەن, كەي ماماندار ولار اشتان ٶلۋٸ مٷمكٸن دەگەندٸ العا تارتادى. سەبەبٸ بۇعان دەيٸن ولاردى ادامدار تاماقتاندىرىپ كەلسە, ساياباق جابىلعالى قاراۋسىز قالعان», – دەيدٸ ەرلان قوجاعاپانوۆ.
ونىڭ ايتۋىنشا, كەپتەرلەردٸڭ دەزينفەكتسييادان زارداپ شەگۋٸ مٷمكٸن ەمەس.
«بۇل ساياباق 19 ناۋرىزدا زالالسىزداندىرىلىپ, 20 نارۋىزدا جابىلدى. ال قۇستاردىڭ ٶلگەنٸ تۋرالى مەلٸمەت 25 ناۋرىز كٷنٸ تارادى. سوندىقتان ولاردىڭ نەدەن ٶلگەنٸ تٷسٸنٸكسٸز», – دەدٸ ول.
قوجاعاپانوۆ كەپتەرلەردٸڭ قىرىلۋىنىڭ تاعى بٸر مٷمكٸن نۇسقاسىن اتادى.
«قىستا ول جەردە مۇز ايدىنى بولدى. سول كٷندەرٸ ول جەردە دەمونتاج جۇمىستارى جاسالدى, سونىڭ قالدىقتارىن جەگەن كەپتەرلەر ٶلگەن بولۋى دا مٷمكٸن. ٶيتكەنٸ الماتىنىڭ ٶزگە جەرلەرٸندە ٶلگەن قۇستار تٸركەلمەدٸ», - دەيدٸ ول.
سونداي-اق, ول كەپتەرلەردٸڭ زەرتحانالىق ساراپتاماعا جٸبەرٸلگەنٸن ايتتى. نەتيجەسٸ بٷگٸن كەشكە دايىن بولىپ قالۋى كەرەك.
بۇعان دەيٸن قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت كەپتەرلەردٸڭ ۋلانۋى مٷمكٸن ەكەنٸن ايتقان.
