Almaty ákimdigi «Almaty Mall» saýda ortalyǵyndaǵy janýarlarmen bailanys zoobaǵyna qatysty jaǵdaiǵa túsinik berdi, dep habarlaidy "Ult aqparat".
«Almaty qalasynyń ákimdigi kópshiliktiń pikirimen kelisedi jáne mundai qyzmet adamgershilik normalaryna sai emes dep esepteidi. Biz «Almaty Mall» saýda ortalyǵynyń ákimshiligimen atalǵan haiýanattarǵa etene jaqyn bolý zoobaǵynyń iesimen kelisim shartty buzý jáne onyń qyzmetin bir ai merzimge toqtatý boiynsha kelisimge qoljetkizdik», - dep habarlaidy qalalyq ákimdik.
Qalalyq ákimdiktiń habarlaýynsha, bul Almatydaǵy alǵashqy jaǵdai bailanys zoobaǵynda arystan, jolbarys syndy jyrtqysh ańdardyń tólderi (abdan, arlan, panterany) ustaý.
«Ókinishke orai, mundai mekemelerdiń is-qyzmeti QR zańnamasy boiynsha rettelmegen. Sondyqtan bizdiń tarapymyzdan QR Aýyl sharýashylyǵy ministrligine haiýanattarǵa etene jaqyn bolý zoobaǵynyń jumystaryna tyiym salý jóninde Zań ázirleý boiynsha resmi hat jiberiledi», - dedi ákimdik.
Buǵan deiin, almatylyqtar osy bailanys zoobaǵyndaǵy ańdardyń jaǵdaiyna shaǵymdanǵan bolatyn.
