Almaty epidemiologiialyq jaǵdai boiynsha "sary" aimaqqa ótti, - dep habarlaidy Tengrinews.kz agenttigi.
Bul týraly Sanitarlyq-epidemiologiialyq baqylaý komitetiniń resmi ókili Erjan Baitanaev málimdedi.
16 maýsymnan bastap Almatyda koronavirýs juqtyrǵandar sany artqan edi. Zertteýler boiynsha búginde COVID-19 juqtyrǵandar sanynyń artýyna stels-omikron áser etken.
Eske salaiyq, buǵan deiin eldegi COVID-19 kórsetkishteriniń artýyn eskere otyryp, Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiia óńirler epidemiologiialyq qaýip-qaterdiń sary aimaǵyna kóshken jaǵdaida tómendegi qosymsha sharalardy qabyldaý kerek ekeni týraly sheshim qabyldanǵan bolatyn:
- naýqaspen tyǵyz qarym-qatynasta bolǵandardy qashyqtan jumys isteý formatyna kóshirý;
- COVID-19-ǵa qarsy ekpe saldyrýǵa bolmaityn qyzmetkerler men júkti áielderdi qashyqtan jumys isteý formatyna aýystyrý;
- jabyq jerler men qoǵamdyq kólikte mindetti túrde maska taǵý;
- 10-nan asa adam qatysatyn jinalystardy onlain formatta ótkizýdi usyný.
Sondai-aq, aimaqtyń epidemiologiialyq ahýalyna qaramastan, áýede, TJ kólikteri men halyqaralyq avtobýstarda maska taǵý usynylady.
