Densaýlyq saqtaý ministrligi apparaty basshysynyń buiryǵymen Qasymhan Alpysbaiuly Almaty qalasynyń sanitariialyq-epidemiologiialyq baqylaý departamentiniń basshysy bolyp taǵaiyndaldy, dep habarlaidy QazAqparat.
Departamenttiń baspasóz qyzmetinen málim etkendei, búgin Qazaqstan Respýblikasy Densaýlyq saqtaý ministrligi apparatynyń basshysy Batyrbek Sultanuly Ábdildin jańa basshyny ujymǵa tanystyrdy jáne ári qarai qyzmetine tabys tiledi.
Qasymhan Alpysbaiuly 1977 jyldyń 21 qazanynda Ońtústik Qazaqstan oblysy (Túrkistan oblysy) Túlkibas aýdanynda dúnie kelgen, ulty qazaq.
2000 jyly Qazaq memlekettik meditsina ýniversitetin «gigiena jáne epidemiologiia» mamandyǵy boiynsha bitirgen.
2006 jyly Ortalyq-Aziia ýniversitetin «quqyqtaný» mamandyǵy boiynsha bitirgen.
2009 jyly ál-Farabi atyndaǵy Qazaq ulttyq ýniversitetin «menedjment» mamandyǵy boiynsha bitirgen.
Eńbek jolyn 2000 jyly Bostandyq aýdany sanitariialyq-epidemiologiialyq qyzmetinde bastaǵan. Ár jyldary Almaty qalasy aýdandarynyń sanitariialyq-epidemiologiialyq qyzmetinde sanitariialyq dáriger bolyp jumys jasaǵan.
2009 – 2014 jj. Almaty qalasynyń Jetisý aýdany sanitariialyq-epidemiologiialyq qyzmetiniń basshysy bolyp istegen.
2014 jyldan beri Almaty qalasynyń Medeý aýdany sanitariialyq-epidemiologiialyq qyzmetiniń basshysy bolyp qyzmet atqarǵan.
Aǵymdaǵy jyldyń 3 aqpanynan bastap Almaty qalasynyń sanitariialyq-epidemiologiialyq baqylaý departamentiniń basshysy bolyp taǵaiyndaldy.
Jumysta jetken jetistikteri úshin «Densaýlyq saqtaý salasynyń úzdigi», «Densaýlyq saqtaý salasyn damytýǵa qosqan úlesi úshin» vedomstvolyq nagradalaymen, «Halyq alǵysy» medalimen marapattalǵan.
