Almatyda úsh adamdy qasaqana qaqqan kólikterdiń ekeýi de tabylyp, arnaiy avtoturaqqa jetkizildi, dep habarlaidy "Ult aqparat" Almaty qalalyq Politsiia departamentiniń baspasóz qyzmetine silteme jasap.
Tergeý basqarmasynyń málimetinshe, aq tústi «Toyota Camry» jáne qara tústi «Toyota Avensis» kólikteri aiǵaqzattar retinde alynyp, QR QK-niń 24-baby 3-bóligi jáne 99-babynyń 2-bóligi boiynsha qozǵalǵan qylmystyq is materialdaryna tirkeldi.
«Eki kólikti de kriminalistik zerthana qarap shyqty, olarda soqtyǵysý belgileri bar. Tiisti saraptama taǵaiyndaldy.
Qazir mashinalar mamandandyrylǵan avtoturaqqa qoiylyp, qylmys quraly retinde olarǵa arest qoiý týraly tergeýshiniń qaýlysy shyqty», - dedi Almaty qalalyq PD tergeý basqarmasy bastyǵynyń orynbasary Dýman Aýhadiev.
Almatynyń Gagarin kóshesinde adamdardy qasaqana qaqqan kúdiktilerdiń biri 26 tamyz kúni keshke ustalǵan bolatyn. 1995 jyly týǵan azamat A. Almaty oblysy Eńbekshiqazaq aýdanynyń turǵyny. Ol QR Qylmystyq kodeksiniń 128-baby tártibinde ýaqytsha ustaý izoliatoryna qamaldy. Er adam qylmys jasaý kezinde aq tústi «Toyota Camry» markaly avtokóligin basqarǵan.
«Ekinshi kúdiktiniń jeke basy anyqtaldy. Jaqyn arada mindetti túrde ustalady. Ol otyrǵan «Toyota Avensis» kóligin taýyp, tárkiledik. Aita ketý kerek, qylmystyq istiń materialdary aýdandyq politsiia basqarmasynan Tergeý basqarmasynyń óndirisine berildi. Bul qylmysty tergeý úshin arnaiy jedel-tergeý toby quryldy», - dedi podpolkovnik Aýhadiev.
Esterińizge salaiyq, 26 tamyzda tańǵy saǵat 5-te Almaty qalasynyń Gagarin kóshesinde arada bolǵan janjaldan keiin bir taraptyń ókilderi óz qarsylastaryn avtomobilmen qasaqana qaǵyp, qylmys ornynan boi tasalaǵan. Video áleýmettik jelide tarady.
Zardap shekkenderdiń densaýlyǵy týraly Almaty qalalyq densaýlyq saqtaý basqarmasy málim etti.
«Almaty №7 qalalyq klinikalyq aýrýhanaǵa 2 adam tústi. Birinshisine ashyq bas súiek-mi jaraqaty, midyń jeńil dárejedegi jaraqaty, bastyń oń jaq súieginiń syný diagnozy qoiyldy. Jaǵdaiy - ortasha aýyr. Ekinshi naýqasqa jabyq bas jaraqaty, midyń shaiqalý diagnozy qoiyldy. Jaǵdaiy ortasha aýyr dep baǵalanady. Úshinshisi Ortalyq qalalyq aýrýhanaǵa jetkizildi. Onyń sol aiaǵynyń tobyǵy, oń qol shyntaǵy jabyq, sol qol shyntaǵyna ashyq synǵan degen diagnoz qoiylyp otyr. Jaǵdaiy ortasha aýyr», - dep habarlady Densaýlyq saqtaý basqarmasynan.
