Almatyda politsiia qyzmetkerleri turǵyndarǵa kóp rettik meditsinalyq maska taratyp jatyr. Ereksheligi– maskada esirtkige qarsy logotip bar, dep habarlaidy "Ult aqparat".
Almaty qalalyq Politsiia departamentiniń habarlaýynsha, bul aktsiia ishki ister ministri Erlan Turǵymbaevtyń tapsyrmasy boiynsha júzege asyrylyp jatyr.
«Almaty politsiiasyna úsh myń dana kóleminde esirtkige qarsy logotipi bar qaita paidalanýǵa bolatyn meditsinalyq maska jetkizildi. Ótken demalys kúnderi tártip saqshylary olardy qala turǵyndary arasynda taratty»,– dep habarlady qalalyq Politsiia departamenti.
Atalǵan aktsiia almatylyqtardyń kóńilinen shyqty.
«Maskalar óte sapaly, olardy jýyp, qaita qoldanýǵa bolady. Onda esirtkini paidalanýǵa qarsy logotip bar. Dál osy logotip kóptegen azamattardy qýantty», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Spikerdiń aitýynsha, qorǵanys maskalaryn taratýǵa patrýldik jáne ýchaskelik politsiia qyzmetkerleri tartylǵan.
