Almatyda 15 jeltoqsannan bastap 7 qańtarǵa deiingi aralyqta eki kezeńnen turatyn «Pirotehnika» jedel aldyn alý sharasy ótedi, dep habarlaidy QazAqparat.
Bul shara jeke jáne zańdy tulǵalardyń pirotehnikalyq zattar men buiymdardy qoldaný barysynda belgilengen erejelerdi saqtaýyn qadaǵalaýǵa baǵyttalǵan.
«Oǵan ákimshilik politsiia bólimsheleriniń, jergilikti politsiia qyzmetiniń, Almaty qalasy boiynsha TJD azamattyq qorǵanys organdarynyń qyzmetkerleri qatysady. Is-sharanyń maqsaty – Jańa jyl merekesi kezinde qoǵamdyq qaýipsizdikti qamtamasyz etý, sondai-aq, kámeletke tolmaǵandardyń jaraqattanýyna jol bermeý», – deidi Almaty qalalyq politsiia departamenti ákimshilik politsiia basqarmasynyń bastyǵy Jandos Murataliev.
Almaty politsiiasy sertifikattalǵan (litsenziiasy bar) pirotehnikalyq ónimderdi arnaiy belgilengen oryndardan qaýipsizdik jónindegi nusqaýlyqpen satyp alýǵa keńes beredi.
«Paidalanýshylarǵa arnalǵan nusqaýlyqta otshashý, pirotehnika, feierverk, bengal shamdaryn jáne basqa da osyndai zattardy paidalaný araqashyqtyǵy kórsetilýi kerek. Satyp alýshylar sertifikat, ruqsat, qaýipsizdik nusqaýlyǵyn talap etýge quqyly», – dep atap ótti Jandos Murataliev.
