Sýret: Gov.kz
Almaty politsiiasy qaladaǵy halyqaralyq mektepterdiń birinde birinshi synyp oqýshysy zorlandy degen kúdikpen qozǵalǵan qylmystyq isti toqtatty, dep habarlaidy "Ult aqparat".
Qalalyq politsiia departamentiniń málimetinshe, atalǵan fakti boiynsha qylmystyq isti tergeý qylmys quramnyń bolmaýyna bailanysty toqtatyldy.
"Zorlaý faktisi saraptamalar men mamandardyń zertteýlerimen rastalǵan joq. Qalalyq prokýratýra tergeý sheshimimen kelisti", - dep habarlady Almaty politsiia departamentiniń baspasóz qyzmeti.
Byltyr qazan aiynda Almaty turǵyny 1-synyptaǵy balasynyń zorlanǵany týraly málimdeme jasaǵan bolatyn.
Almaty qalalyq Politsiia departamenti bastyǵynyń birinshi orynbasary Nurlan Almasbekov atalǵan derek Bostandyq aýdany politsiia basqarmasynda QR QK-niń 121-baby 3-bóligi boiynsha tirkelgenin jáne birqatar saraptama taǵaiyndalǵanyn aitqan edi.
Keiin 7 jasar balanyń anasy saraptama qortyndysymen kelispeitinin jetkizip, taǵy bir málimdeme jasady. Ol elimizdiń Ishki ister ministri men Bas prokýroryna júgindi.
