Almaty qalalyq Politsiia departamenti «Qaýipsiz jol» respýblikalyq jedel aldyn alý sharasyna bailanysty politsiia qyzmeti kúsheitilgen rejimge kóshkenin málim etti, dep habarlaidy "Ult aqparat".
«22-24 qyrkúiek aralyǵynda ótetin is-shara jol-kólik oqiǵasynyń aldyn alýǵa jáne azaitýǵa, olardyń saldarynyń aýyrlyǵyna baǵyttalǵan. Onyń maqsaty – aldyn alý jumystaryn kúsheitý jáne jol paidalanýshylary arasynda jol qaýipsizdigi talaptarynyń saqtalýyn baqylaý, tiisti qoǵamdyq tártipti, jol qaýipsizdigin qamtamasyz etý jáne jol-kólik oqiǵalaryn azaitý. Bul kúnderi jeke quram kúsheitilgen rejimde qyzmet etedi. Sondai-aq, «Qaýipsiz jol» naýqany aiasynda jolaýshylar men júkterdi avtokóliktermen tasymaldaýdy júzege asyrýda jol qaýipsizdigin baqylaýǵa erekshe nazar aýdarylatyn bolady», - deidi Almaty qalalyq PD ákimshilik politsiia basqarmasynyń bastyǵy Jandos Murataliev.
Sonymen qatar, bólimshede jaýyngerlik qyzmettiń jeke quramyna júktelgen negizgi mindet- jol júrý erejelerin buzýshylyqtardyń jolyn kesý, jol erejeleriniń talaptaryn eskermeitin júrgizýshilerdi anyqtaý.
«Sondai-aq, júrgizýshiler men jaiaý júrginshiler arasynda jol qozǵalysy erejelerin saqtaý boiynsha quqyqtyq túsindirý jumystary júrgiziletin bolady. Kóbine jol apatyna tek júrgizýshiler ǵana emes, jaiaý júrginshiler de kináli. Sondyqtan men turǵyndarǵa kóshelerde qatań belgilengen jaiaý júrginshiler ótkelderinen jáne tek jasyl baǵdarshamda ótińizder», - degim keledi. Júrgizýshiler óte muqiiat bolýy , jol erejesin buzbaýy jáne jyldamdyqty saqtaýy kerek», - dedi Jandos Murataliev.
