Foto: Polisia.kz
Almatyda politseiler kýrerden tapansha men oqtar tárkiledi, - dep habarlaidy "Ult aqparat" Polisia.kz saityna silteme jasap.
Tártip saqshylary mopedke mingen eki er adamdy Talǵar kúre joly boiyndaǵy politsiia ekologiialyq beketinde toqtatqan. 44 jastaǵy er adamnan tapansha men 17 oq tárkilengen.
"44 jáne 41jastaǵy azamattardyń kýrerlik sómkelerin tekserý barysynda Grand Power tapanshasymen ártúrli 17 oq tárkilendi. Aldyn ala tekserý barysynda atalǵan qarýdyń gazdy tapansha ekendigi jáne travmatikalyq oqpen atylatyndyǵy anyqtalyp, keiinirek qarýdyń urlanǵandyǵy da belgili boldy. Atalǵan derek sotaldy tergeý tizilimine QR QK-niń 287-baby 2-tarmaǵy boiynsha tirkeldi. Ustalǵan kúdiktilerdiń bireýi buryn da birneshe ret qaraqshylyq shabýyl jasaǵany úshin sottalǵandyǵy belgili boldy. Bul derek boiynsha tergeý jumystary júrgizilip jatyr. Qylmystyq is barysynda sot-ballistikalyq saraptama taǵaiyndaldy", - deidi Medeý aýdandyq politsiia basqarmasynyń bastyǵy Iliias Ómirserikov.
QR QK-niń 201-babyna sáikes ózge aqparttar tergeý múddesine orai jariialaýǵa jatpaidy. QR Konstitýtsiiasynyń 77-baby 1bóligi 3-tarmaǵy jáne QR QK-niń 19-babyna sáikes sot sheshimi shyqqanǵa deiin kez kelgen azamat kinásiz dep tanylady.
