Foto: 2gis.kz
Almaty qalalyq sotynyń ǵimaratynda tekserý aiaqtaldy. Jarylǵysh zat tabylmady, - dep habarlaidy Tengrinews.kz.
"Qazybek bi kóshesindegi qalalyq sot ǵimaratynda jedel-izdestirý sharalary aiaqtaldy. Aqparat jalǵan bolyp shyqty. Qazirgi ýaqytta ekstremizmge qarsy kúres bóliminiń qyzmetkerleri aty-jóni belgisiz tulǵany anyqtap, odan ári jetkizý boiynsha jedel is-sharalar júrgizip jatyr", - dedi Almaty politsiia departamentiniń resmi ókili Saltanat Ázirbek.
Eske salaiyq, Almatyda qalalyq sot ǵimaratynan barlyq sýdia men qyzmetker evakýatsiialanǵan bolatyn.
"Búgin Almaty qalalyq sotynyń kiris keńsesi poshtasyna túrli sipattaǵy qoqan-loqqy jasalǵan habarlamalar kelip tústi. Osyǵan bailanysty qazirgi ýaqytta sot ǵimaratynda habarlamalar tekserilip jatyr. Qurmetti azamattar, túsinbeýshilikke jol bermeý úshin protsesterdiń keiinge qaldyrylǵany týraly habarlaimyz", - delingen habarlamada.
