Foto: Jetisý politsiia departamenti
Jetisý oblysynda boran kezinde Almaty – Óskemen tas jolynda iri jol apaty bolyp, tórt adam kóz jumdy, dep habarlaidy Ult.kz.
Politsiianyń málimetinshe, qaiǵyly oqiǵa 10 jeltoqsan kúni saǵat 14:15 shamasynda tas joldyń 462-shaqyrymynda bolǵan. KIA jáne Toyota markaly eki kólik soqtyǵysqan.
Aldyn ala derek boiynsha, aýa raiynyń kúrt nasharlaýyna bailanysty joldy boran basyp, kóktaiǵaq paida bolǵan. Kóriný qashyqtyǵy tómendegen sátte KIA júrgizýshisi qarsy baǵytqa shyǵyp ketip, Toyota kóligimen betpe-bet soqtyǵysqan.
Apat saldarynan tórt adam oqiǵa ornynda qaza tapty, taǵy tórt jolaýshy túrli jaraqattarmen aýrýhanaǵa jetkizildi.
Jetisý oblysynyń politsiia departamenti aýa raiy qolaisyz kezde jol qozǵalysy erejelerin qatań saqtaýǵa shaqyrdy.
