Almatyda taý týrizmin damytýǵa baǵyttalǵan jańa múmkindikter keńeiip keledi, dep habarlaidy ult.kz.
Almatynyń taýly aimaqtary týrizmdi damytýdyń strategiialyq baǵyttarynyń biri retinde qarastyrylyp otyr. Tabiǵi áleýetti tiimdi paidalaný, týristik infraqurylymdy jetildirý jáne zamanaýi demalys oryndaryn qalyptastyrý arqyly óńirdiń týristik tartymdylyǵyn arttyrý kózdelýde.
Taý týrizmin damytý aiasynda kólik jáne injenerlik infraqurylymdy jetildirý, týristerge arnalǵan servistik nysandardy damytý, qaýipsizdik júiesin kúsheitý jáne jańa týristik marshrýttardy qalyptastyrýǵa basymdyq berilýde.
Jobalardyń mańyzdy baǵyttarynyń biri – Almaty Superski. Klasterdi damytý arqyly Almatynyń taý bókterindegi aýmaqtardy birtutas týristik keńistikke ainaldyrý, halyqaralyq standarttarǵa sáikes keletin infraqurylym qalyptastyrý jáne týristerge qyzmet kórsetý sapasyn arttyrý josparlanýda.
Taý týrizmi tek qysqy demalyspen shektelmeidi. Jyly mezgilde treking, jaiaý týrizm, taý velosipedi, alpinizm jáne ekologiialyq týrizm siiaqty baǵyttardy damytýǵa múmkindik bar. Osylaisha, taýly aimaqtardy jyl boiy týristik baǵyt retinde qalyptastyrýǵa jaǵdai jasalady.
Týrizm salasynyń damýy jergilikti kásipkerlikke de jańa múmkindikter beredi. Qonaqúiler, tamaqtaný oryndary, gid qyzmetteri, kólik jáne týristik jabdyqtardy jalǵa berý siiaqty qyzmet túrleriniń damýy jańa jumys oryndarynyń ashylýyna yqpal etedi.
Sonymen qatar, taý týrizmin damytý kezinde tabiǵi ekojúieni saqtaý máselesine erekshe mán beriledi. Týristik infraqurylymdy damytý qorshaǵan ortaǵa uqypty qaraý, ekologiialyq talaptardy saqtaý jáne tabiǵi aýmaqtardyń turaqty damýy qaǵidattarymen qatar júredi.
Almatynyń taýly aimaqtaryn damytý nátijesinde qala turǵyndary men qonaqtary úshin qoljetimdi, qaýipsiz jáne zamanaýi demalys múmkindikterin keńeitý, sondai-aq Almatyny Ortalyq Aziiadaǵy tartymdy taý týrizmi ortalyqtarynyń biri retinde tanytýǵa jaǵdai jasaý kózdelip otyr.
