الماتىدا تاۋ تۋريزمٸن دامىتۋعا باعىتتالعان جاڭا مٷمكٸندٸكتەر كەڭەيٸپ كەلەدٸ, دەپ حابارلايدى ult.kz.
الماتىنىڭ تاۋلى ايماقتارى تۋريزمدٸ دامىتۋدىڭ ستراتەگييالىق باعىتتارىنىڭ بٸرٸ رەتٸندە قاراستىرىلىپ وتىر. تابيعي ەلەۋەتتٸ تيٸمدٸ پايدالانۋ, تۋريستٸك ينفراقۇرىلىمدى جەتٸلدٸرۋ جەنە زاماناۋي دەمالىس ورىندارىن قالىپتاستىرۋ ارقىلى ٶڭٸردٸڭ تۋريستٸك تارتىمدىلىعىن ارتتىرۋ كٶزدەلۋدە.
تاۋ تۋريزمٸن دامىتۋ اياسىندا كٶلٸك جەنە ينجەنەرلٸك ينفراقۇرىلىمدى جەتٸلدٸرۋ, تۋريستەرگە ارنالعان سەرۆيستٸك نىسانداردى دامىتۋ, قاۋٸپسٸزدٸك جٷيەسٸن كٷشەيتۋ جەنە جاڭا تۋريستٸك مارشرۋتتاردى قالىپتاستىرۋعا باسىمدىق بەرٸلۋدە.
جوبالاردىڭ ماڭىزدى باعىتتارىنىڭ بٸرٸ – Almaty Superski. كلاستەردٸ دامىتۋ ارقىلى الماتىنىڭ تاۋ بٶكتەرٸندەگٸ اۋماقتاردى بٸرتۇتاس تۋريستٸك كەڭٸستٸككە اينالدىرۋ, حالىقارالىق ستاندارتتارعا سەيكەس كەلەتٸن ينفراقۇرىلىم قالىپتاستىرۋ جەنە تۋريستەرگە قىزمەت كٶرسەتۋ ساپاسىن ارتتىرۋ جوسپارلانۋدا.
تاۋ تۋريزمٸ تەك قىسقى دەمالىسپەن شەكتەلمەيدٸ. جىلى مەزگٸلدە ترەكينگ, جاياۋ تۋريزم, تاۋ ۆەلوسيپەدٸ, الپينيزم جەنە ەكولوگييالىق تۋريزم سيياقتى باعىتتاردى دامىتۋعا مٷمكٸندٸك بار. وسىلايشا, تاۋلى ايماقتاردى جىل بويى تۋريستٸك باعىت رەتٸندە قالىپتاستىرۋعا جاعداي جاسالادى.
تۋريزم سالاسىنىڭ دامۋى جەرگٸلٸكتٸ كەسٸپكەرلٸككە دە جاڭا مٷمكٸندٸكتەر بەرەدٸ. قوناقٷيلەر, تاماقتانۋ ورىندارى, گيد قىزمەتتەرٸ, كٶلٸك جەنە تۋريستٸك جابدىقتاردى جالعا بەرۋ سيياقتى قىزمەت تٷرلەرٸنٸڭ دامۋى جاڭا جۇمىس ورىندارىنىڭ اشىلۋىنا ىقپال ەتەدٸ.
سونىمەن قاتار, تاۋ تۋريزمٸن دامىتۋ كەزٸندە تابيعي ەكوجٷيەنٸ ساقتاۋ مەسەلەسٸنە ەرەكشە مەن بەرٸلەدٸ. تۋريستٸك ينفراقۇرىلىمدى دامىتۋ قورشاعان ورتاعا ۇقىپتى قاراۋ, ەكولوگييالىق تالاپتاردى ساقتاۋ جەنە تابيعي اۋماقتاردىڭ تۇراقتى دامۋى قاعيداتتارىمەن قاتار جٷرەدٸ.
الماتىنىڭ تاۋلى ايماقتارىن دامىتۋ نەتيجەسٸندە قالا تۇرعىندارى مەن قوناقتارى ٷشٸن قولجەتٸمدٸ, قاۋٸپسٸز جەنە زاماناۋي دەمالىس مٷمكٸندٸكتەرٸن كەڭەيتۋ, سونداي-اق الماتىنى ورتالىق ازيياداعى تارتىمدى تاۋ تۋريزمٸ ورتالىقتارىنىڭ بٸرٸ رەتٸندە تانىتۋعا جاعداي جاساۋ كٶزدەلٸپ وتىر.
