Almatyda qoima órtendi. Órt 600 sharshy metr aýmaqty sharpyǵan, - dep habarlaidy Tengrinews.kz agenttigi qalalyq Tótenshe jaǵdailar departamenti baspasóz qyzmetine silteme jasap.
Áleýmettik jelilerde 4 tamyzǵa qaraǵan túni Muqanova kóshesi boiyndaǵy qoimalarda órt shyqqany týraly aqparat paida boldy.
Almaty qalasy Tótenshe jaǵdailar departamenti málimetinshe, 4 tamyzda saǵat 21.42-de Almaly aýdany, Muqanov pen Gogol kósheleri qiylysynda qoiý tútin shyǵyp jatqany týraly habar túskennen keiin órt sóndirý bólimsheleri oqiǵa ornyna barǵan.
"Alǵashqy bólimsheler kelgen soń 21.45-te azyq-túlik qoimasynda órt shyqqany anyqtaldy. Órt 23.05-te oqshaýlanyp, 23.24-te joiyldy. TJD qyzmetkerleri jedel áreket etip, jaqyn mańdaǵy ákimshilik ǵimaratqa jalynnyń taralýyna jol bermedi. Órttiń shyǵý sebebi anyqtalyp jatyr", - dedi TJD ókilderi.
Qaza bolǵandar men zardap shekkender joq.
