Almaty oblysynda ózge memleket azamattaryn aldady degen kúdikpen 44 jastaǵy áiel ustaldy, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, osy jyldyń 12-14 maýsymy aralyǵynda sheteldik 22 azamat politsiiaǵa aryz jazǵan.
«Eńbekshiqazaq aýdandyq politsiiasyna shaǵymdanǵandardyń sózinshe, olarǵa belgisiz áiel eńbek kelisimshartyn jasaýǵa kómektesemin dep ýáde bergen. Árqaisysynan 3-5 myń teńgeden aqsha alǵan. Jedel-izdestirý sharasy barysynda Báidibek bi aýylynyń 44 jastaǵy turǵyny ustaldy. Áiel óz kinásin moiyndady», - delingen atalǵan vedomstvonyń baspasóz qyzmeti taratqan habarlamada.
Qazir osy faktige sáikes QR QK-niń 187-baby 2-bóligi boiynsha sotqa deiingi tergeý júrip jatyr.
