Almaty oblysynda er adam ata-anasyna pyshaq ala júgirip, anasyn óltirip, ákesin aýyr jaraqattady. Bul týraly Sputnik agenttigi jazady.
"Qylmys úide jasalǵan. Er adam turmystyq janjal kezinde ashýǵa boi aldyryp, ata-anasyn pyshaqtap tastaǵan. Áiel oqiǵa ornynda alǵan jaraqatynan kóz jumdy. Dárigerler ákesiniń ómirin ajaldan arashalap qalý úshin qoldan kelgenniń bárin jasap jatyr", - dep habarlady IIM resmi ókili Nurdildá Oraz.
Onyń aitýynsha, qylmysqa kináli adam ustaldy. Sotqa deiingi tergeý júrgizilip jatyr.
Jalpy, ótken táýlikte respýblikada 734 qylmystyq quqyq buzýshylyq tirkeldi, onyń 444-i ashyldy. Barlyǵy 4 kisi óltirý, 6 zorlaý, 32 esirtki qylmysy, qasaqana aýyr dene jaraqatyn salýmen bailanysty 8 quqyq buzýshylyq, 18 tonaý qylmysy jasaldy.
