Almaty oblysynda 32 jastaǵy azamat metall qabyldaý pýnktine ótkizý úshin 25 dana jol belgisin urlap ketken. Onyń árqaisynyń quny 4800 teńge turady, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, 17 mamyr kúni túngi saǵat 02:00 shamasynda patrýldik politsiia qyzmetkerleri kúdik týdyrǵan kólikti baiqaǵan. Talǵar aýdanynyń Panfilov aýylynda atalǵan kólikti tekserý kezinde temirden daiyndalǵan 25 jol belgisi tabylǵan. Kólikti 32 jastaǵy azamat tizgindegen. Aitýynsha, ol jol belgilerin Tuzdybastaý aýylyna jaqyn jerden Úlken Almaty kanaly boiynan urlap alǵan. Maqsaty – temir qabyldaý ornyna ótkizý.
«Ár jol belgisiniń quny – 4800 teńge. Jalpy shyǵyn kólemi – 120 000 teńge. Jol belgilerin urlaý arqyly memleketke materialdyq shyǵyn keltirip qana qoimai, jol qozǵalysy qaýipsizdigine tikelei qaýip tóndiresizder. Jol belgileriniń bolmaýy saldarynan túrli jol apaty bolyp, adam da kóz jumýy múmkin»,- dedi Talǵar aýdandyq politsiia basqarmasynyń bastyǵy Janbolat Ziadin.
