Búgin QR Prezidenti ákimshiligi jáne aýdandyq máslihattyń kelisimimen Almaty oblysy ákimi Amandyq Batalovtyń ókimimen Serikjan Erekeshev Talǵar aýdanynyń ákimi bolyp taǵaiyndaldy, - dep habarlaidy "Ult aqparat".
Serikjan Qaziuly 1973 jyly 30 shildede týǵan. Almatydaǵy indýstrialdyq tehnikýmdy «tehnik-mehanik» mamandyǵy boiynsha, Sátbaev atyndaǵy Qazaq ulttyq tehnikalyq ýniversitetin «kólik, kólik tehnikasy jáne tehnologiialary» mamandyǵy boiynsha jáne Narhoz Ýniversitetin «memlekettik jáne jergilikti basqarý, ekonomika jáne biznes bakalavry» mamandyqtary boiynsha bitirgen.
Eńbek jolyn 1997 jyly Almaty qalasynda «Baǵaly qaǵazdy tirkeý sistemasy» jabyq aktsionerlik qoǵamynyń tizimderdi júrgizý qyzmetiniń jetekshi mamany retinde bastaǵan. Kóp jyldar boiy Mańǵystaý oblysyndaǵy «Beineý joldary» JShQ qurylys kesheninde mehanik, bas mehanik, atqarýshy direktor bolyp jumys istegen. 2012 jyldan 2016 jylǵa deiin Ile aýdany Baiserke aýyldyq okrýginiń ákimi bolǵan. 2016 jyldan bastap búgingi kúnge deiin Ile aýdany ákiminiń orynbasary laýazymynda bolǵan.
