Almaty oblysynyń Aqsý aýdanynda sharýa qojalyqtarynyń ieleri meditsinalyq mekemelerdi tegin qymyzben qamtamasyz ete bastady, dep habarlaidy "Ult aqparat".
Osyndai sharýa qojalyqtardyń arasynda Dastan Syrttanov, Erbolat Tasbolat, Qalqaman Samalbek syndy ózge de birqatar azamattar bar. Qymyzdy jetkizýge sharýa qojalyq ielerine jergilikti volonterler qolǵabys etedi. Osy ýaqytta sharýa qojalyqtarynyń jomarttyǵynyń arqasynda 40 otbasyna qymyz jetkizildi.
«Qazirgi jaǵdaida densaýlyǵyńdy kútip, jaqyndaryńa qamqor bolǵan jón. Qaýipti virýs júzdegen adamnyń ómirin qidy. Osyndai jaǵdaida biz qalyń kópshilikke qol ushyn sozyp, ortaq isten syrt qalmaýymyz kerek. Indetpen birlese otyryp kúresý kerek. Qymyzdyń shipalyq qasieti halqymyzǵa ejeldan aian. Sondyqtan biz bul isti áli de jalǵastyramyz», - dedi Dastan Ómirzaquly.
Aita ketetin másele, sharýa qojalyǵynyń ieleri ortalyq aýdandyq aýrýhanadaǵy naýqastar men meditsina mamandary úshin qoi eti men 50 litr qymyz jetkizip berdi.
