Almaty oblysynyń meditsinalyq uiymdarynda negizgi mindeti densaýlyq saqtaý uiymy men onyń qyzmetkerleriniń sybailas jemqorlyqqa qarsy is-qimyl týraly zańnamany saqtaýyn qamtamasyz etý bolyp tabylatyn komplaens institýty engiziledi.
Osyǵan bailanysty, sondai-aq komplaens institýtyn tanystyrý maqsatynda aǵymdaǵy jyldyń 10 qarashasynda Almaty oblysy boiynsha Sybailas jemqorlyqqa qarsy qyzmet Departamentimen óńirdiń bas dárigerleri úshin kezdesý ótti.
Seminarda Almaty oblysy boiynsha Sybailas jemqorlyqqa qarsy qyzmet basshysynyń birinshi orynbasary J.S.Jumabaev barlyq qatysýshylardy júrgizilip jatqan jumystyń mańyzdylyǵy týraly tanystyryp, halyqaralyq tájiribeni engizýdiń aldyn alý sharalaryn belgiledi.
Keri bailanys barysynda qatysýshylarǵa barlyq suraqtarǵa tolyq jaýaptar berildi.
Kezdesý qorytyndysy boiynsha qatysýshylar komplaens-ofitserlerdi qosymsha oqytýǵa qyzyǵýshylyq tanytyp, sybailas jemqorlyqqa qarsy saiasatty odan ári iske asyrýǵa daiyn ekendigin bildirdi.
