Almaty oblysynda 1963 jyly qoldanysqa berilgen Kóksý ózeni boiyndaǵy bóget kúrdeli jóndeýden ótýde. Bul maqsatta respýblikalyq qazynadan 515 mln teńge qarjy qarastyrylǵan, dep habarlaidy "Ult aqparat".
Plotinanyń gidrotehnikalyq qurylys jumystary «Jumyspen qamtýdyń jol kartasy-2020» baǵdarlamasy aiasynda júzege asýda.
Jóndeý jumystaryna barlyǵy 100 adam jumyldyrylǵan. Nysan qurylysynyń qyzǵan shaǵy qyrkúiek aiyna tuspa-tus kelmek.
Merdiger mekemeniń bas injeneri Maqsat Sadievtiń aitýynsha, jańa bóget aldyńǵysynan áldeqaida berik jáne sapaly bolmaq.
«Tospanyń jalpy uzyndyǵy 60 metr, biiktigi 6,8 metr. Al sýqoimaǵa 539 tekshe metr sý siiady.
Strategiialyq mańyzdy nysan qaita jóndeýden ótip, iske qosylsa eldiń ál-aýqaty jaqsaryp, jańa jumys oryndary da ashylady»,- deidi mamandar.
Kásiporyn basshysy jańa sý qoimasynda jumys isteitin mamandardyń da jaǵdaiy qarastyrylǵanyn aityp otyr. Bógettiń basynda jáne tómengi jaǵyndaǵy sý taratý torabynda 4 bólmeli tórt baspana salynyp jatyr. Jalpy bógettiń jóndeý jumystaryn 2020 jyldyń jeltoqsan aiynda aiaqtaý kózdelgen.
