Almaty oblysynyń Ile aýdanynda 3 myń otbasyǵa azyq-túlik taratylýda, dep habarlaidy "Ult aqparat".
«Biz birgemiz!» respýblikalyq aktsiiasyna beton, plitka, plastmassa buiymdaryn óndiretin «Arkaz Invest» jaýapkerligi shekteýli seriktestigi qoldaý bildirdi. Igi bastama barysynda 3000 qorap azyq-túlikti aýdan ortalyǵy - Energetik okrýginen bastap Baiserke, Jetigen, Qaraoi, Ashybulaq, Mejdýrechensk, KazTsIK, Chapai, Kúrti, Boraldai okrýgterindegi ár ataýly otbasyǵa taratýdy bastady. Búgingi kúni Boraldai kenti, Ashybulaq, KazTsik, Mejdýrechensk aýyldarynyń otbasylaryna úlestirildi. Aldaǵy ýaqytta qalǵan aýmaqtar qamtylady. Osy azyq-túlikti halyqtyń áleýmettik álsiz tobyna taratý jumystaryna aýdandyq jastar resýrstyq ortalyǵy men toǵyz okrýgtiń eriktileri atsalysýda», - delingen Ile aýdany ákiminiń baspasóz qyzmeti taratqan habarlamada.
Vedomstvonyń málimetinshe, osy aktsiia aiasynda aýdandyq mádeniet qyzmetkerleriniń bastaýymen kóp ret qoldanýǵa bolatyn 500 dana betperde tigilip, azyq-túlikpen birge otbasylarǵa taratylǵan. Sonymen qatar, koronavirýstan qorǵaný joldary turǵyndarǵa túsindirilgen.
«Meniń otbasymda joldasymmen birge úsh balam jáne qaiyn atam, baýyrlarym turady. Bir shańyraqta jeti adambyz. Myna qysyltaiań ýaqytta sizderdiń taraptaryńyzdan berilgen azyq-túlik januiama úlken kómek. Qarjy tapshylyǵynan ýaqytynda un-maiymyzdy ala almai, abdyrap qalyp edik. Endi mine, osy azyqpen bala-shaǵama kem degende bir apta ystyq tamaq ázirleitinim anyq. Osyndai kún týǵan sátte kóńil bólip, qalymyzdy surap, eskerip jatqan aýdan basshylaryna shynaiy alǵysymdy aitamyn», - dedi áleýmettik kómek alýshylardyń biri, Ashybulaq aýyldyq okrýginiń turǵyny Gýlmira Jaqypova.
