Almaty oblysynyń Eńbekshiqazaq aýdanyna Qýanyshbek Qashqymbaev ákim bolyp taǵaiyndaldy. Jańa basshyny Almaty oblysy ákiminiń birinshi orynbasary Liazzat Turlashov kópshilikke tanystyrdy, – dep habarlaidy "Ult aqparat".
Qaliuly Qashqymbaev 1962 jyly týǵan. V.I.Lenin atyndaǵy Qazaq politehnikalyq institýtyn, Máskeý memlekettik áleýmettik ýniversitetin bitirgen. Mamandyǵy boiynsha - taý-ken injeneri -elektrik, zańger.
Eńbek jolyn Qyrǵyzstan Respýblikasynda Ystyqkól sovhoz tehnikýmynyń jumysshysy bolyp bastaǵan. Ár jyldary «Kazlift» respýblikalyq óndiristik tresiniń 1 razriadty elektr mehanigi, ýchaske sheberi, «Elektroset» shaǵyn óndiristik kásiporny direktorynyń orynbasary, «Kazjilkomontorg» kommertsiialyq firmasynyń taýartanýshysy, qurylys tobynyń jetekshisi, «Sharýa» AQ-nyń bas mamany, Almaty qalalyq jer qatynastary jáne jerge ornalastyrý komitetiniń bas mamany, «Almatygeokad» JShS-nyń Bostandyq aýdandyq jerge ornalastyrý bóliminiń bas mamany, «Almatygeokad» JShS-nyń Áýezov aýdandyq jerge ornalastyrý bóliminiń bastyǵy, «Almatyjerkadastr» KMK-nyń Áýezov aýdandyq bóliminiń bastyǵy, Almaty qalalyq jer resýrstaryn basqarý komitetiniń jetekshi mamany, Almaty qalalyq aýmaqtyq jer resýrstaryn basqarý jónindegi basqarmanyń bólim bastyǵy, «Almaty qalalyq JerǴÓO» enshiles memlekettik kásipornynyń bas injeneri, direktordyń orynbasary, birinshi orynbasary, direktory, Almaty qalasynyń jer qatynastary basqarmasynyń bastyǵy, Almaty qalasy Naýryzbai aýdanynyń ákimi, Almaty qalasynyń aýyl sharýashylyǵy jáne veterinariia basqarmasynyń basshysy bolyp jumys istegen.
Almaty oblysy ákiminiń baspasóz hatshysy Ǵalymurat Júkeldiń aitýynsha, buǵan deiin Eńbekshiqazaq aýdanynyń ákimi bolǵan Bináli Ysqaq zeinetke shyqty.
