Almaty oblysynda Taýarlar men kórsetiletin qyzmetterdiń sapasy men qaýipsizdigin baqylaý departamentiniń jańa basshysy bolyp Erǵali Sydymanov taǵaiyndaldy, dep habarlaidy "Ult aqparat".
Ol buǵan deiin Mańǵystaý oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy qyzmetin atqarǵan.
Erǵali Jaqsybekuly 1970 jyldyń 7 sáýirinde Qaraǵandy oblysy Qaraǵandy qalasynda dúniege kelgen.
1996 jyly S.D. Asfendiiarov atyndaǵy Almaty memlekettik meditsina institýtyn, 2004 jyly M. H. Dýlati atyndaǵy Taraz memlekettik ýniversitetin dáriger-gigienist, epidemiolog jáne zańger mamandyqtary boiynsha támamdaǵan. 2020 jyly Qazaq meditsinalyq úzdiksiz bilim berý ýniversitetin bitirip, Densaýlyq saqtaý magistri ataǵyn aldy.
Eńbek jolyn 1987 jyly Jambyl qalasynda jedel járdem bóliminiń sanitary bolyp bastaǵan. Keiin Jambyl oblysy Kommýnaldyq gigiena bóliminiń meńgerýshisi retinde qyzmet atqarǵan.
1999 jyly Atyraý qalasy bas dárigeriniń SES orynbasary bolyp taǵaiyndaldy. 2000 jyly Atyraý qalalyq sanitarlyq epidemiologiialyq stantsiiasynyń bas dárigeri qyzmetinde boldy.
2003 jyly Taldyqorǵan qalalyq memlekettik sanitarlyq-epidemiologiialyq qadaǵalaý basqarmasy bastyǵynyń mindetin atqarýshy,
2005-2019 jyldar aralyǵynda - Almaty oblystyq memlekettik sanitarlyq-epidemiologiialyq qadaǵalaý basqarmasynyń bastyǵy.
2019 – 2020 jyldary Qazaqstan Respýblikasy Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń Manǵystaý oblysy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy bolǵan.
Marapattary:
«QR Densaýlyq saqtaý isiniń úzdigi»,
«QR Densaýlyq saqtaý isine qosqan úlesi úshin»
«QR Densaýlyq saqtaý qyzmetkerleri kásipodaǵynyń úzdigi» belgilerimen.
«Úzdik memlekettik qyzmetshi tósbelgisi» 2020 jyl
