Almaty oblysynyń ákimdigi vainerlerge blog-týr uiymdastyrmaq, dep habarlaidy QazAqparat tilshisi.
Qatysýshylarǵa qoiylatyn talap qarapaiym. Eń bastysy instagramm jelisindegi paraqshada 1 mln 100 den asa jazylýshy, al iýtýb kanalymen jumys isteitin blogerde 500 myńnan asa adam tirkelgen bolýy kerek. 12 adamǵa 10 mln teńge gonorar qarastyrylǵan sharada qatysýshylar Jetisý jeriniń kórikti bes jerin iaǵni, Kólsai men Qaiyńdy kólderin, Sharyn shatqalyn, Áýlie aǵash, Altyn emel ulttyq parkindegi sakraldy jerlerdi nasihattaýy shart.
«Jalpy uiymdastyrýǵa 17 mln teńge bólinip otyr. Ol 17 mln teńgeniń ishinde vainerlerdiń jatyn orny, joly, tamaqtanýy bar. Shara tamyz aiynyń sońyna deiin ótedi dep josparlap otyrmyz. Qazirgi ýaqytta portalda sharany uiymdastyrýdy qai mekeme utyp alady, sol mekeme ótkizetin bolady», - dedi Almaty oblysy boiynsha «Rýhani jańǵyrý» jobalyq keńsesi JShS direktory Dana Dúisenova.
