Foto: astanatv.kz
Almaty oblysyndaǵy tasjolda jol-kólik oqiǵasynan tórt adam qaza tapty, - dep habarlaidy PD baspasóz qyzmeti.
Oqiǵa 5 jeltoqsanda "Almaty – Kókpek – Kóktal – Shonjy" tasjolynyń 80-shaqyrymynda bolǵan. Aldyn ala málimet boiynsha, Audi A6 júrgizýshisi rólge ie bola almai, qarsy baǵytqa shyǵyp ketip, Nissan Cefiro kóligimen soqtyǵysqan.
"JKO saldarynan eki júrgizýshi jáne eki jolaýshy alǵan jaraqattarynan oqiǵa ornynda kóz jumdy. Taǵy úsh jolaýshy túrli dene jaraqattarymen aýrýhanaǵa jetkizildi", – delingen habarlamada.
Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan sotqa deiingi tergeý júrip jatyr. Tergeý barysy oblystyq Politsiia departamenti basshylyǵynyń baqylaýyna alynǵan.
