Talǵar aýdany politsiiasynyń ákimshilik ǵimaraty kabinetteriniń birinde órt boldy, dep habarlaidy QazAqparat.
Video áleýmettik jelide tarady. Almaty oblysynyń politsiia departamenti órttiń 12 aqpan kúni shamamen saǵat 14:55-te tutanǵanyn habarlady.
«Jergilikti órt sóndirý qyzmeti dereý oqiǵa ornyna jetip, órtti 25 minýt ishinde sóndirdi. Qurbandar men zardap shekkender joq. Órttiń ári qarai taralýy jol berilgen joq. Qyzmettik qujattar búlinbedi», - dedi Almaty oblysynyń politsiia departamentiniń baspasóz qyzmetinen.
Aldyn ala boljam boiynsha, órt elektr symdarynyń qysqa tuiyqtalýynan bolǵan. Onyń saldary anyqtalyp jatyr.
