Almaty oblysynda aimaqtaǵy jol qozǵalysy qaýipsizdigi men joldar jaǵdaiyna jaýapty tulǵalarǵa qatysty qylmystyq is qozǵaldy, - dep habarlaidy Tengrinews.kz agenttigi.
Politsiia osyǵan deiin Almaty-Qorǵas tasjolynda 17 kólik soqtyǵysqan iri jol-kólik oqiǵasyna kináli qyzmetkerlerdi jaýapqa tartpaq. Apat sebepteriniń biri – aýa raiy qolaisyzdyǵy men kóktaiǵaq. Oqiǵa saldarynan zardap shekkender bar.
"Joldardy paidalaný jáne jol qozǵalysy qaýipsizdigin qamtamasyz etý úshin jaýapty tulǵalarǵa qatysty Qylmystyq kodekstiń 353-baby "Kólikte qoldanylatyn qaǵidalardy buzý" boiynsha qylmystyq is qozǵaldy. Ispen Almaty oblysy Politsiia departamentiniń Tergeý basqarmasy ainalysady.
Fakt boiynsha saraptamalar taǵaiyndaldy. Ýákiletti organdarǵa tiisti saýaldar joldandy. Sondai-aq, isti durys sheshý úshin jedel-izdestirý sharalary júrgizilip jatyr", - dedi oblystyq PD baspasóz qyzmeti ókilderi.
