الماتى وبلىسىندا ايماقتاعى جول قوزعالىسى قاۋٸپسٸزدٸگٸ مەن جولدار جاعدايىنا جاۋاپتى تۇلعالارعا قاتىستى قىلمىستىق ٸس قوزعالدى, - دەپ حابارلايدى Tengrinews.kz اگەنتتٸگٸ.
پوليتسييا وسىعان دەيٸن الماتى-قورعاس تاسجولىندا 17 كٶلٸك سوقتىعىسقان ٸرٸ جول-كٶلٸك وقيعاسىنا كٸنەلٸ قىزمەتكەرلەردٸ جاۋاپقا تارتپاق. اپات سەبەپتەرٸنٸڭ بٸرٸ – اۋا رايى قولايسىزدىعى مەن كٶكتايعاق. وقيعا سالدارىنان زارداپ شەككەندەر بار.
"جولداردى پايدالانۋ جەنە جول قوزعالىسى قاۋٸپسٸزدٸگٸن قامتاماسىز ەتۋ ٷشٸن جاۋاپتى تۇلعالارعا قاتىستى قىلمىستىق كودەكستٸڭ 353-بابى "كٶلiكتە قولدانىلاتىن قاعيدالاردى بۇزۋ" بويىنشا قىلمىستىق ٸس قوزعالدى. ٸسپەن الماتى وبلىسى پوليتسييا دەپارتامەنتٸنٸڭ تەرگەۋ باسقارماسى اينالىسادى.
فاكت بويىنشا ساراپتامالار تاعايىندالدى. ۋەكٸلەتتٸ ورگاندارعا تيٸستٸ ساۋالدار جولداندى. سونداي-اق, ٸستٸ دۇرىس شەشۋ ٷشٸن جەدەل-ٸزدەستٸرۋ شارالارى جٷرگٸزٸلٸپ جاتىر", - دەدٸ وبلىستىق پد باسپاسٶز قىزمەتٸ ٶكٸلدەرٸ.
