Almaty oblysynda úsh jasar qyzdyń ólimine qatysty prokýratýra qyzmetkerleri túsinikteme berdi, - dep habarlaidy Almaty.tv telearnasy.
«Tekserý qorytyndysyn protsessýaldy sheshim qabyldaý úshin Almaty oblystyq Politsiia Departamentine joldady. Kishkentai náresteniń ólimine meditsinalyq qyzmetkerler der kezinde jáne sapaly meditsinalyq kómek kórsetpeýi sebep bolǵan», – dedi Eńbekshiqazaq aýdany prokýratýrasynyń aǵa prokýrory Medǵat Qabylqaiyrov.
Bir ai buryn Esik qalasynyń turǵyny qyzymnyń ólimine kináli azamattar jazasyn alsyn dep telaarnaǵa suhbat bergen. Onyń aitýynsha, dene qyzýy kóterilip barǵan búldirshinge dárigerler der kezinde kómek kórsete almaǵan. Tek ýaqytsha simptomdardy basatyn dári berip, qaitaryp jibergen. Basy daýǵa qalǵan Eńbekshiqazaq aýdany aýrýhanasynyń dárigerleri sol kezde oqiǵaǵa qatysty naqty jaýap bere almaǵan edi.
"Kelgende menen analiz alǵan joq. Naýqastyń meditsinalyq kitapshasy meniń qolymda, ashyp qaraǵan joq. Ashyp oqysa, qyzymdy aman alyp qalar ma edi? Balamdy ǵana oiladym, ári oqy dep aitatyndai - meniń jumysym emes qoi. Kinásin moiyndap tur. Úndemeidi. Jaýabyn estip tursyzdar", - deidi Esik qalasynyń turǵyny Ásel Daniiarova.
