Almaty oblysynda júrgizýshi jaiaý júrginshini qasaqana túrde kóligimen basyp, qashyp ketken. Zardap shekken turǵyn oqiǵa ornynda kóz jumǵan, - dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 19 mamyr kúni saǵat 19:00 shamasynda Qarasai aýdanynyń politsiia basqarmasyna habarlama túsken. Iaǵni, Qaskeleń qalasynda 50 jastaǵy jergilikti turǵyn men belgisiz azamattyń arasynda kikiljiń týyndap, kólik iesi qasaqana túrde jergilikti turǵyndy kóligimen basyp, qashyp ketkendigi jóninde aitylǵan. Atalǵan fakti QR QK 99-baby iaǵni, «Adam óltirý» boiynsha tirkelip, tártip saqshylary oqiǵa ornyna barǵan.
«Kýágerlerdiń aitýy boiynsha, kóliktiń markasy men baǵyt alǵan mekenjaiy anyqtalǵan. Izdeýge kirisken politseiler aýyldyń shetinen «Folksvagen Golf-3» kóligin tapqan. Sol mańnan onyń 61 jastaǵy iesi tabylǵan. Ol Qaskeleń qalasynyń turǵyny bolyp shyqty», - delingen vedomstvonyń habarlamasynda.
