Almaty oblysynyń Baiserke kentinde 81 jastaǵy keiýanany kólik qaǵyp óltirdi, dep habarlaidy QazAqparat.
Jol-kólik oqiǵasy ornynan túsirilgen video áleýmettik jelide taraǵan.
Almaty oblysynyń politsiia departamenti jol-kólik oqiǵasy 2 qazan kúni 10:05 shamasynda Ile aýdanynda bolǵanyn habarlady.
«Iveko Magirus» markaly kóliktiń 38 jastaǵy júrgizýshisi Baiserke kentiniń Shkolnaia kóshesimen kele jatyp, belgilenbegen orynda joldan ótip bara jatqan 81 jastaǵy áieldi qaǵyp ketken.
Keiýana oqiǵa ornynda kóz jumdy.
«JKO faktisi QR QK 345-baby 3-tarmaǵy (Abaisyzda adam ólimine ákep soqqan jol qozǵalysy erejelerin buzý) boiynsha qylmystyq is qozǵalyp, Ile APB-nyń sotqa deiingi tergep-tekserýdiń biryńǵai tizilimine tirkeldi. Atalǵan fakti boiynsha qajetti saraptamalar taǵaiyndaldy», - dep habarlady Almaty oblysynyń PD baspasóz qyzmeti.
