Almaty oblysynda júk kóligi úsh jaiaý júrginshini kóligimen qaǵyp, eki adam oqiǵa ornynda mert boldy. Al úsh jastaǵy bala zardap shegip, aýrýhanaǵa tústi, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, oqiǵa Qarasai aýdanynda bolǵan.
«28 maýsym kúni saǵat 14:50 shamasynda Jambyl aýylynda 45 jastaǵy júrgizýshi úsh jaiaý júrginshini qaǵyp ketti. Saldarynan oqiǵa ornynda 53 jastaǵy jergilikti turǵyn men 9 jastaǵy bala kóz jumdy. Taǵy úsh jastaǵy bala aýrýhanaǵa tústi. Qazir osy faktige sáikes QR QK-niń 345-baby 4-bóligi boiynsha sotqa deiingi tergeý bastaldy», - delingen vedomstvonyń habarlamasynda.
