Foto: freepik
Sot Almaty oblysynyń jol politsiiasy qyzmetkerlerine para bergen júrgizýshilerdi jazalady, - dep habarlaidy Tengrinews.kz saity.
Sybailas jemqorlyqqa qarsy qyzmet málimetinshe, 4 qańtarda Qarasai aýdandyq soty Almaty oblysy jol politsiiasy batalonynyń 6 qyzmetkerine jáne basqa da tulǵalarǵa qatysty úkim shyǵardy. Olar kólik júrgizýshilerin ákimshilik jaýapkershilikke tartpaǵany úshin para alǵanyna kináli dep tanyldy.
"Laýazymdy tulǵalarǵa 58,8 million teńge aiyppul salyndy. Dál osy úkim boiynsha para berýshilerge jalpy somasy 3,85 million teńge aiyppul salyndy", - dedi Sybailas jemqorlyqqa qarsy qyzmettiń resmi ókili Arman Tileýqanov.
Sottalǵandardyń barlyǵy ómir boiyna memlekettik qyzmette qyzmet atqarý quqyǵynan aiyrylǵan. Qylmystyq kodekstiń 41-babyna sáikes, aiyppul belgilengen merzimde tólenbese, jaza bas bostandyǵynan aiyrý jazasyna aýystyrylady.
Sot úkimi zańdy kúshine engen joq.
