videodan alynǵan kadr
Almaty oblysynda jol apatynan bes adam qaza tapty, - dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvo málimetinshe, 26 shilde saǵat 11:00-de "Toiota-Karolla" markaly avtokóliktiń 29 jastaǵy júrgizýshisi "Almaty-Astana" avtojolynyń 225 shaqyrymynda kele jatyp, qarsy jolaqqa shyǵyp ketip, "Toiota-Kamri" markaly avtokólikpen soqtyǵysqan.
"Apat saldarynan alǵan jaraqattarynan eki júrgizýshi men úsh jolaýshy oqiǵa ornynda qaza tapty.
Derek QR QK 345-baby boiynsha Jambyl aýdany PB-da tirkeldi. Qajetti saraptamalyq tekserýlerdi taǵaiyndaýmen tergeý is-sharalary júrgizilip jatyr" - delingen habarlamada.
