Foto: Almaty oblysy PD baspasóz qyzmeti
Kúsh aýylynda joǵalyp ketken úsh jasar qyz áli izdestirilip jatyr, - dep habarlaidy «Ult aqparat» oblystyq politsiianyń baspasóz qyzmetine silteme jasap.
Ókinishke qarai, izdeý jumystary áli nátije bermegen.
Bala 17 naýryzda tústen keiin Eńbekshiqazaq aýdany, Kúsh aýylynda joǵalyp ketken. Úsh jasar qyzdy izdestirý jumystary júrgizilip jatyr.
"Politsiiaǵa keshke qyzdyń anasy habarlasqan. Aýdanda arnaiy izdeý toby qurylyp, joǵalǵan balany izdeýge jergilikti turǵyndar da qosyldy. Jalpy 300-ge jýyq adam jumyldyryldy", - delingen habarlamada.
Eske salaiyq, politsiiaǵa Kýsh aýylynyń 40 jastaǵy turǵyny habarlasyp, 17 naýryzda saǵat 16:00 shamasynda úsh jasar qyzy úiinen shyǵyp ketip, qaityp oralmaǵanyn jetkizgen. Bul derek birden aýdandyq ishki ister bólimine tirkeldi. Arnaiy izdestirý toby quryldy. Qazir arnaiy úiretilgen itter arqyly aýqymdy izdestirý sharalary júrgizilip jatyr.
