فوتو: الماتى وبلىسى پد باسپاسٶز قىزمەتٸ
كٷش اۋىلىندا جوعالىپ كەتكەن ٷش جاسار قىز ەلٸ ٸزدەستٸرٸلٸپ جاتىر, - دەپ حابارلايدى «ۇلت اقپارات» وبلىستىق پوليتسييانىڭ باسپاسٶز قىزمەتٸنە سٸلتەمە جاساپ.
ٶكٸنٸشكە قاراي, ٸزدەۋ جۇمىستارى ەلٸ نەتيجە بەرمەگەن.
بالا 17 ناۋرىزدا تٷستەن كەيٸن ەڭبەكشٸقازاق اۋدانى, كٷش اۋىلىندا جوعالىپ كەتكەن. ٷش جاسار قىزدى ٸزدەستٸرۋ جۇمىستارى جٷرگٸزٸلٸپ جاتىر.
"پوليتسيياعا كەشكە قىزدىڭ اناسى حابارلاسقان. اۋداندا ارنايى ٸزدەۋ توبى قۇرىلىپ, جوعالعان بالانى ٸزدەۋگە جەرگٸلٸكتٸ تۇرعىندار دا قوسىلدى. جالپى 300-گە جۋىق ادام جۇمىلدىرىلدى", - دەلٸنگەن حابارلامادا.
ەسكە سالايىق, پوليتسيياعا كۋش اۋىلىنىڭ 40 جاستاعى تۇرعىنى حابارلاسىپ, 17 ناۋرىزدا ساعات 16:00 شاماسىندا ٷش جاسار قىزى ٷيٸنەن شىعىپ كەتٸپ, قايتىپ ورالماعانىن جەتكٸزگەن. بۇل دەرەك بٸردەن اۋداندىق ٸشكٸ ٸستەر بٶلٸمٸنە تٸركەلدٸ. ارنايى ٸزدەستٸرۋ توبى قۇرىلدى. قازٸر ارنايى ٷيرەتٸلگەن يتتەر ارقىلى اۋقىمدى ٸزدەستٸرۋ شارالارى جٷرگٸزٸلٸپ جاتىر.
