Búginnen bastap jer jannaty Jetisý óńiriniń óz radiosy habar tarata bastady, dep habarlaidy QazAqparat.
Almaty oblystyq «Jetisý» telearnasynyń janynan qurylǵan jańa radio ujym, táýlik boiy elden jáne óńirden aqparat jetkizip, oblys turǵyndarynyń ásem-áýen, áýezdi kúimen sýsyndap, rýhani qýattanýyna ózindik úles qospaq.
1997 jylǵa deiin oblysta radio bolǵan. Araǵa shirek ǵasyr salyp, baǵyty men baǵdaryn jańartyp, bilikti jas mamandarmen tolyqtyrylǵan radio aldymen oblys ortalyǵy men shalǵai eldimekenderge taratylady.
Jeke dara jiilik alǵanǵa deiin bir jyldai ýaqyt daiyndyq jumystary júrgizilip, qajetti mýzyka qory jinaqtaldy.
Jańa radionyń materialdyq-tehnikalyq bazasy nyǵaitylyp, óz aldyna jeke ǵimarat berý máselesi qarastyrylyp jatyr.
Al bolashaqta elimizdiń ózge de aimaqtarynyń tolqyndaryna shyǵý josparlanǵan.
«Qyrǵyzstan jaqqa, Qordai jaqqa barsań, qyrǵyzdyń radiosy, Qytai shekarasyna shyqsań, Qytaidyń radiosy sóilep turady. Sondyqtan biz Jarkent aimaǵyn, Alakól, Raiymbek aýdanyn, birinshi kezekte sol jaqty qamtýǵa tyrysyp jatyrmyz. Ázirge Shaǵan taýynyń basynda bir radiotaratqysh qurylǵymyz qoiyldy. Ol osy Taldyqorǵan aimaǵyn qamtyp tur», - deidi «Jetisý» radiosynyń jetekshisi Esbolat Aidabosyn.
