© Sputnik / Andrei Stenin
Ekologiialyq keńes mamandary qorshaǵan ortanyń lastanýyna qatysty dabyl qaǵyp, Almaty oblysy Talǵar aýdanyndaǵy jeke qoqys poligonyn jabýdy talap etti. Alaida poligon iesi buǵan kelispeitinin jáne ekologtardy qyzyǵýshylyqtary úshin aiyptaýda, dep habarlady Sputnik Qazaqstan agenttigi "Habar 24" arnasyna silteme jasap.
Tórt jyl buryn osy jeke poligon aýmaǵyn jergilikti bilik "Jan-Arý" kompaniiasyna qoqysty qaita óńdeý zaýytyn salý úshin uzaq merzimge jalǵa bergen bolatyn. Biraq kásiporyn iesi onyń ornyna munda aqyly poligon uiymdastyrdy, qazirgi ýaqytta stihiialyq poligonǵa ainaldy.
"Ekologiialyq keńeske jergilikti turǵyndardan shaǵym kelip tústi. Osy shaǵymǵa sáikes biz obektige shyqtyq. Topyraq pen sý synamalary alyndy. Taldaý nátijeleri myrysh, mys, nitrat, azot oksidi, azot dioksidi boiynsha joǵary nátijeni kórsetti. Bul nysanda himiialyq lastaný júrip jatyr deýge tolyq negiz bar", – dedi Talǵar aýdany boiynsha ekologiialyq keńestiń tóraǵasy Miras Baiseiitov.
Taldaý júrgizilgennen keiin aýdan turǵyndary jerdi jalǵa berý merzimi aiaqtalǵannan keiin ýyttylyǵy joǵary bolǵandyqtan paidalanýǵa jaramsyz bolyp qalady dep qaýiptenedi.
"Ekologiialyq kúireý jasaǵan adam tolyǵymen qalpyna keltirýi kerek. Osy jerdiń jer jamylǵysyn sáikestendirýi tiis", - dep atap ótti Talǵar aýdandyq máslihat depýtaty Erjan Igibaev.
Ekologiialyq keńes sotqa júgindi. Sot sheshimimen "Jan-Arý" kompaniiasyna turmystyq qaldyqtardy jinaýdy úsh aiǵa toqtata turý uiǵaryldy. Alaida turǵyndardyń aitýynsha, poligonda qoqysty qabyldaý áli jalǵasýda.
"Biz munda las aýamen tunshyǵyp jatyrmyz. Al biz munda turaqty negizde turamyz. Sondyqtan bizdiń ómirimizge kedergi keltiretin osy poligondardy, osy karerdy jabýǵa kómektesseńizder dep ótinish aitamyz. Janna Kim", - dedi "Solnechnaia" baý-baqsha qoǵamynyń tóraǵasy.
Kompaniia ókilderi zaýyt ornyna nege poligon paida bolǵanyn túsindirdi. Aitýynsha, qoqys óńdeitin kásiporynnyń qurylysyna birneshe gektar jer bólýge ýáde berilgen. Biraq olar tek 30 sottyq jerdi berdi.
"Bilik bizdiń ýchaskemizdi keńeitýdi tipti josparlamaidy. Al mundai alańda zaýyt salýǵa bolmaidy. Kommýnikatsiialar men elektr energiiasy joq. Aýyldyń ekinshi jaǵynda ornalasqan qoqysty suryptaýǵa arnalǵan jabdyqty jalǵa alýymyz kerek. Jaryqsyz munda jumys istei almaimyz. Bizge turaqty túrde qysym kórsetkenniń ornyna, bul máseleni birlesip sheshýge bolar edi", - dep túsindirdi kompaniia zańgeri Asylbek Qaraev.
Poligonda qaldyqtardyń janýy únemi bolatyn qubylys. Tek ótken jyly 6 órt boldy, olardy joiýǵa aýdannyń barlyq órtke qarsy qyzmetteri jumyldyryldy. Kompaniia munyń bári básekelesterdiń aila-amaldary dep sanaidy, biraq oǵan eshqandai dálel joq.
