Almaty oblysynda jazasyn shartty túrde ótep, probatsiialyq baqylaýda júrgenderge tekseris ótkizildi. Nátijesinde 48 adamnyń isi sotqa qaita joldandy, dep habarlaidy "Ult aqparat".
«Jedel-aldyn alý is-sharasynyń qorytyndysy boiynsha oblysta sottalǵandar tarapynan 32 buzýshylyq anyqtaldy. 48 adamǵa qatysty aýdandyq sottarǵa bas bostandyǵyn shekteý jazalaryn bas bostandyǵynan aiyrýǵa aýystyrý týraly materialdar joldandy. Sondai-aq, jumyldyrylǵan qyzmetkerlerdiń kúshimen izdeýde júrgen 7 sottalǵan adamnyń ornalasqan jeri anyqtaldy. Qazirgi ýaqytta olar tergeý izoliatoryna qamalyp, sot protsesin kútýde», - dedi Almaty oblysy boiynsha Qylmystyq-atqarý júiesi departamenti bastyǵynyń mindetin atqarýshy Qanat Ashov.
Vedomstvonyń aqparatyna sáikes, Almaty oblysy boiynsha Qylmystyq-atqarý júiesi departamentinde 21-27 maýsym aralyǵynda «Shartty túrde sottalǵandar» jedel aldyn alý is-sharasy ótken.
«Shara probatsiia qyzmetkeriniń esebinde turǵan sottalǵandar tarapynan jasalatyn quqyq buzýshylyqtyń jáne qylmystyń qaitalanýynyń aldyn alý. Sondai-aq izdeý jariialanǵandardyń turǵylyqty jerin anyqtaý maqsatynda uiymdastyrylǵan.
Jalpy osy is barysynda oblys boiynsha 78 probatsiia qyzmetkeri, 48 jergilikti ýchaskelik politsiia inspektorlary jumys istedi», - dep tolyqtyrdy atalǵan vedomstvonyń baspasóz qyzmetinen.
