الماتى وبلىسىندا جازاسىن شارتتى تٷردە ٶتەپ, پروباتسييالىق باقىلاۋدا جٷرگەندەرگە تەكسەرٸس ٶتكٸزٸلدٸ. نەتيجەسٸندە 48 ادامنىڭ ٸسٸ سوتقا قايتا جولداندى, دەپ حابارلايدى "ۇلت اقپارات".
«جەدەل-الدىن الۋ ٸس-شاراسىنىڭ قورىتىندىسى بويىنشا وبلىستا سوتتالعاندار تاراپىنان 32 بۇزۋشىلىق انىقتالدى. 48 ادامعا قاتىستى اۋداندىق سوتتارعا باس بوستاندىعىن شەكتەۋ جازالارىن باس بوستاندىعىنان ايىرۋعا اۋىستىرۋ تۋرالى ماتەريالدار جولداندى. سونداي-اق, جۇمىلدىرىلعان قىزمەتكەرلەردٸڭ كٷشٸمەن ٸزدەۋدە جٷرگەن 7 سوتتالعان ادامنىڭ ورنالاسقان جەرٸ انىقتالدى. قازٸرگٸ ۋاقىتتا ولار تەرگەۋ يزولياتورىنا قامالىپ, سوت پروتسەسٸن كٷتۋدە», - دەدٸ الماتى وبلىسى بويىنشا قىلمىستىق-اتقارۋ جٷيەسٸ دەپارتامەنتٸ باستىعىنىڭ مٸندەتٸن اتقارۋشى قانات اشوۆ.
ۆەدومستۆونىڭ اقپاراتىنا سەيكەس, الماتى وبلىسى بويىنشا قىلمىستىق-اتقارۋ جٷيەسٸ دەپارتامەنتٸندە 21-27 ماۋسىم ارالىعىندا «شارتتى تٷردە سوتتالعاندار» جەدەل الدىن الۋ ٸس-شاراسى ٶتكەن.
«شارا پروباتسييا قىزمەتكەرٸنٸڭ ەسەبٸندە تۇرعان سوتتالعاندار تاراپىنان جاسالاتىن قۇقىق بۇزۋشىلىقتىڭ جەنە قىلمىستىڭ قايتالانۋىنىڭ الدىن الۋ. سونداي-اق ٸزدەۋ جارييالانعانداردىڭ تۇرعىلىقتى جەرٸن انىقتاۋ ماقساتىندا ۇيىمداستىرىلعان.
جالپى وسى ٸس بارىسىندا وبلىس بويىنشا 78 پروباتسييا قىزمەتكەرٸ, 48 جەرگٸلٸكتٸ ۋچاسكەلٸك پوليتسييا ينسپەكتورلارى جۇمىس ٸستەدٸ», - دەپ تولىقتىردى اتالعان ۆەدومستۆونىڭ باسپاسٶز قىزمەتٸنەن.
