Almaty oblysynyń Panfilov aýdany Penjim aýylynda buzaqylar birneshe úi men kóliktiń terezesin syndyrǵan, dep habarlaidy QazAqparat.
Almaty oblystyq politsiia departamentiniń málimetinshe, 27 qazan kúni saǵat 20:00 kezinde 102 pýltine Penjim aýylyndaǵy oqýshylar arasyndaǵy tóbeleske qatysqandardyń biriniń úiiniń janyna 30-ǵa jýyq adamnyń jinalǵan.
Bir top adam birneshe jeke úidiń, sonymen qatar avtokólikterdiń terezesine shaqqan.
«Atalǵan fakti boiynsha QR Qylmystyq kodeksiniń 293-baby 2-tarmaǵymen qylmystyq is qozǵaldy», - dep atap ótedi departamentten.
Sondai-aq dál sol kúni saǵat 22:45-te Panfilov aýdandyq politsiia bólimine Penjim aýylynyń jańa qurylys aýdanyndaǵy úidiń órtenip jatqany týraly habarlama túsken.
Oqiǵa ornyna aýdandyq politsiia jáne tótenshe jaǵdailar bólimderiniń qyzmetkerleri barǵan.
«Úi ieleriniń aitýynsha, órttiń shyǵýyna peshtegi aqaý sebep bolǵan. Saǵat shamamen 23:30-da órt sóndirildi. Zardap shekkender joq. Bul órttiń oǵan deiin oryn alǵan oqiǵaǵa qatysy joq. Aýylda qoǵamdyq tártip qamtamasyz etilgen, jaǵdai baqylaýda tur. Almaty oblystyq politsiia departamenti jalǵan aqparat taratqany úshi qylmystyq jaýapkershilik kózdelgenin eskertedi», - dedi vedomstvodan.
