الماتى وبلىسىنىڭ پانفيلوۆ اۋدانى پەنجٸم اۋىلىندا بۇزاقىلار بٸرنەشە ٷي مەن كٶلٸكتٸڭ تەرەزەسٸن سىندىرعان, دەپ حابارلايدى قازاقپارات.
الماتى وبلىستىق پوليتسييا دەپارتامەنتٸنٸڭ مەلٸمەتٸنشە, 27 قازان كٷنٸ ساعات 20:00 كەزٸندە 102 پۋلتٸنە پەنجٸم اۋىلىنداعى وقۋشىلار اراسىنداعى تٶبەلەسكە قاتىسقانداردىڭ بٸرٸنٸڭ ٷيٸنٸڭ جانىنا 30-عا جۋىق ادامنىڭ جينالعان.
بٸر توپ ادام بٸرنەشە جەكە ٷيدٸڭ, سونىمەن قاتار اۆتوكٶلٸكتەردٸڭ تەرەزەسٸنە شاققان.
«اتالعان فاكتٸ بويىنشا قر قىلمىستىق كودەكسٸنٸڭ 293-بابى 2-تارماعىمەن قىلمىستىق ٸس قوزعالدى», - دەپ اتاپ ٶتەدٸ دەپارتامەنتتەن.
سونداي-اق دەل سول كٷنٸ ساعات 22:45-تە پانفيلوۆ اۋداندىق پوليتسييا بٶلٸمٸنە پەنجٸم اۋىلىنىڭ جاڭا قۇرىلىس اۋدانىنداعى ٷيدٸڭ ٶرتەنٸپ جاتقانى تۋرالى حابارلاما تٷسكەن.
وقيعا ورنىنا اۋداندىق پوليتسييا جەنە تٶتەنشە جاعدايلار بٶلٸمدەرٸنٸڭ قىزمەتكەرلەرٸ بارعان.
«ٷي يەلەرٸنٸڭ ايتۋىنشا, ٶرتتٸڭ شىعۋىنا پەشتەگٸ اقاۋ سەبەپ بولعان. ساعات شامامەن 23:30-دا ٶرت سٶندٸرٸلدٸ. زارداپ شەككەندەر جوق. بۇل ٶرتتٸڭ وعان دەيٸن ورىن العان وقيعاعا قاتىسى جوق. اۋىلدا قوعامدىق تەرتٸپ قامتاماسىز ەتٸلگەن, جاعداي باقىلاۋدا تۇر. الماتى وبلىستىق پوليتسييا دەپارتامەنتٸ جالعان اقپارات تاراتقانى ٷشٸ قىلمىستىق جاۋاپكەرشٸلٸك كٶزدەلگەنٸن ەسكەرتەدٸ», - دەدٸ ۆەدومستۆودان.
