Almaty oblysynda moped tizgindegen er adam temir qorshaýǵa soǵylyp, 6 jasar qyz kóz jumdy, dep habarlaidy "Ult aqparat".
Jantúrshigerlik apattyń videosy áleýmettik jelide jariialandy.
Oblystyq Politsiia departamentiniń málimetinshe, 2 shilde saǵat 21:00 shamasynda Qarasai aýdany, Jibek joly aýylyndaǵy kóshelerdiń birinde moped aidap kele jatqan 1981 jyly týǵan azamat róldi basqara almai qalǵan jáne ǵimarattyń qorshaýyna soqtyǵysqan.
"Jol apaty saldarynan júrgizýshi men onyń 2017 jyly týǵan qyzy túrli dene jaraqatymen aýrýhanaǵa jetkizildi. Alaida, kishkentai qyz esin jimastan qaitys boldy", - deidi PD baspasóz qyzmeti ókilderi.
Atalǵan derekke qatysty QR Qylmystyq kodeksiniń 345-baby 3-bóligi ("Abaisyzda adam ólimine ákep soqqan jol qozǵalysy erejelerin buzý") boiynsha sotqa deiingi tergeý amaldary bastalǵan.
