26 qarashada qysqy sessiia bastalyp ketti. Ádette sessiia jyldyń sońyna deiin aiaqtalady. Bul týraly Ortalyq kommýnikatsiialar qyzmetinde ótken onlain brifingte QR Bilim jáne ǵylym vitse-ministri Miras Dáýlenov aitty, dep habarlaidy QazAqparat.
«Qashyqtan oqytý barysynda pedagogtardy tsifrlyq mashyqqa úiretý qajettigi týyndady. Ótken jazda osyǵan bailanysty sessiialar ótti. QR Bilim jáne ǵylym ministrligi mundai sharalardy uiymdastyrýǵa atsalysty. Bolon protsesi jáne akademiialyq utqyrlyq ortalyǵymen birlesip 7 sessiia ótkizdik», - deidi QR Bilim jáne ǵylym vitse-ministri Miras Dáýlenov.
Sondai-aq, ol joǵary oqý oryndary zaldarynyń esigi video lektsiia jazý úshin ashyq bolǵanyn aitty.
«Kóktemgi semestr kezinde oqytýshylar video lektsiiany qolda bar qurylǵylarymen jazýlaryna týra kelse, qazirgi ýaqytta sapaly túrde túsirýge múmkindik jasalǵan. Sondai-aq, QR Bilim jáne ǵylym ministrligi qujat túrindi esep berýdi elektrondy túrde esep berýge almastyrý kerektigi buiryq shyǵardyq. Barlyq joǵary oqý oryndaryndaǵy qujat jumystary elektrondy formatqa aýysty, iaǵni oqýǵa túsý úshin qujattardy elektrondy túrde ótkizýge bolady. Al sessiiaǵa keler bolsaq, 26 qarashadan bastap qysqy sessiia bastalyp ketti. Ádette sessiia jyldyń sońyna deiin aiaqtalady, demek stýdentter jańa jylǵa deiin emtihan tapsyryp, demala alady», - deidi ol.
